ക്ഷേമ കെ. തോമസിന്റെ യാത്രകളുടെ സമാഹാരം

ആധുനികകാലത്ത് സങ്കീര്‍ണ്ണമായിക്കൊണ്ടിരിക്കുന്ന മനുഷ്യാവസ്ഥകളെയും മാനുഷികവികാരങ്ങളെയും അഭിസംബോധന ചെയ്യുന്ന കവിതകള്‍.

കേരളത്തില്‍ ജനിച്ചുവളര്‍ന്ന ഒരു വ്യക്തിയുടെ ബാല്യ-കൗമാര-യൗവനകാലത്തെ അനുഭവങ്ങളുടെയും സ്വാധീനിച്ച വ്യക്തികളുടെയും സംഭവങ്ങളുടെയും വിവരണത്തിലൂടെ ഉരുത്തിരിയുന്ന ആഖ്യാനശൈലിയുടെ രസച്ചരട് മുറിയാതെ സൂക്ഷിക്കുവാന്‍ വിനയകുമാറിനു കഴിഞ്ഞു. ഇച്ഛാശക്തിയും നര്‍മ്മബോധവും നല്ലയളവില്‍ കൈമുതലായുള്ള എഴുത്തുകാരന്‍ തന്റെ വായനക്കാരിലും അവ പ്രസരിപ്പിക്കുന്നതില്‍ വിജയിച്ചുവെന്നു പറഞ്ഞാല്‍ അതിശയോക്തിയാവില്ല. - ശശി തരൂര്‍

തിമിംഗലത്തിന്റെ തൊണ്ട ഇടുങ്ങിയതെങ്ങനെ? ഒട്ടകത്തിന് കൂനുണ്ടായതെങ്ങനെ? കണ്ടാമൃഗത്തിന് കട്ടിയുള്ള തൊലി കിട്ടിയതെങ്ങനെ? ആനയുടെ കുഞ്ഞ്, നിലത്ത് ശക്തിയായി ചവിട്ടുന്ന ചിത്രശലഭം തുടങ്ങി പന്ത്രണ്ടോളം കഥകള്‍. നൊബേല്‍ സമ്മാനജേതാവ് റഡ് യാര്‍ഡ് ക്ലിപ്ലിങിന്റെ ജന്തുകഥകളായ ജസ്റ്റ് സോ സ്റ്റോറീസിന്റെ മലയാള പരിഭാഷ. പരിഭാഷ: കെ.പി. സുമതി

രണ്ടു ദശകത്തിലധികം നീളുന്ന പത്രപ്രവര്‍ത്തകജീവിതത്തിനിടെ കെ. വിശ്വനാഥ് അടുത്തബന്ധം പുലര്‍ത്താത്ത കായികതാരങ്ങള്‍ വിരളമാണ്. സച്ചിന്‍, സൗരവ്, സെവാഗ്, പി.ടി. ഉഷ, സാനിയ മിര്‍സ, സൈന നേവാള്‍ തുടങ്ങിയ ഇന്ത്യന്‍ കായികതാരങ്ങള്‍ക്കൊപ്പം ചെലവിട്ട മുഹൂര്‍ത്തങ്ങളെയും അവര്‍ ജീവിതത്തില്‍ ചെലുത്തിയ സ്വാധീനത്തെയും കുറിച്ച് ഒരു കളിയെഴുത്തുകാരന്റെ വൈകാരികവിശകലനങ്ങളാണ് ഈ പുസ്തകത്തിന്റെ ഉള്ളടക്കം.

ജീവിതം, മരണം, സ്‌നേഹം, കാരുണ്യം ഇവയെക്കുറിച്ചുള്ള ധ്യാനങ്ങള്‍ കൊണ്ട് സമൃദ്ധമാണ്  ചിലപ്പോള്‍ ക്രൂരമായ നര്‍മ്മം കൊണ്ടും ചിലപ്പോള്‍ ശക്തമായ ബിംബം കൊണ്ടും ശ്രദ്ധേയമായ ക്ഷേമയുടെ രചനകള്‍. - സച്ചിദാനന്ദന്‍. ക്ഷേമ കെ. തോമസിന്റെ കവിതാസമാഹാരം

ഈശോ, മൈക്കല്‍ ജാക്‌സന്‍, ബ്രൂസ് ലീ, രാജരാജ ചോഴന്‍, ഓഷോ, ആദം, ഗബ്രിയേല്‍ ഗാര്‍സിയ മാര്‍ക്കേസ്, വാലന്റൈന്‍, പ്രണയബുദ്ധന്‍… പലരിലൂടെ, പല കാലങ്ങളിലൂടെ, പ്രണയത്തിന്റെ പല അവസ്ഥകളിലൂടെ പലപല അനുഭവങ്ങളിലൂടെ കടന്നുപോകുന്ന ഒരു പെണ്‍കുട്ടിയുടെ ജീവിതത്തില്‍നിന്നും ചീന്തിയെടുത്ത അനുഭവച്ചൂടു വറ്റാത്ത ഏടുകള്‍. അവയോരോന്നിന്റെയും വക്കില്‍ പ്രണയം പൊടിഞ്ഞിരിക്കുന്നു.

നാല് ഭക്തികാവ്യങ്ങൾ - കേരളീയ സംസ്കൃതിയുടെ കവിയായ പി. കുഞ്ഞിരാമൻ നായർ രചിച്ച ദേവതാപൂജ, കൃഷ്ണപ്രമം, ഭദ്രദീപം, അനന്തൻകാട്ടിൽ എന്നീ നാല് ഭക്തികാവ്യസമാഹാരങ്ങൾ. അനുബന്ധമായി പ്രണയപ്രതീക്ഷ, നീറുന്ന നിശ, ശ്രീശബരിമലവിളക്ക്, പുങ്കാവനം, തീർഥയാത്ര എന്നീ കവിതകളും.