Vidyavasanthathile Poomala

ആദിവാസികളെക്കുറിച്ച് പഠിക്കാൻ ഇറങ്ങുന്നവർ അവരുടെ ആവാസവ്യവസ്ഥ മുതൽ ഭക്ഷണം, ഭക്ഷണസമ്പാദനരീതി, ജനനം, മരണം, വിവാഹം, കലകൾ, ആചാരങ്ങൾ, അനുഷ്ഠാനങ്ങൾ, ആരാധനാമൂർത്തികൾ, ആരാധനാസമ്പ്രദായങ്ങൾ, വസ്ത്രം, താമസം എന്നിവയെല്ലാം അടുത്തറിയേണ്ടതുണ്ട്. കുറിച്യരുടെയും കുറുമരുടെയും ജീവിതങ്ങളെ ആഴത്തിൽ വിശകലനം ചെയ്യുന്ന കൃതി.

വിവിധ സമുദായങ്ങളുടെ മതപരമായ ആരാധനാകേന്ദ്രങ്ങളേക്കുറിച്ചുള്ള പഠനം. ജനങ്ങളെ ജാതിയുടേയും മതത്തിന്റെയും അടിസ്ഥാനത്തിൽ വിഘടിക്കപ്പെടുന്നതിനുള്ള പരിശ്രമങ്ങൾ നടന്നു വരികയാണ്. ഇത്തരം പ്രവണതകളെ തുറന്നുകാട്ടാനും ജനങ്ങളെ ജാഗ്രത്താക്കാനുമാണ് ഈ പഠനഗ്രന്ഥം.

കഴിക്കാൻ ഭക്ഷണമോ കളിക്കാൻ പാവയോ ഇല്ലാത്ത പിഞ്ചു കുഞ്ഞുങ്ങളുടെ ഉടലും ആയുസ്സുപോലും പുത്തൻ കമ്പോള വ്യവസ്ഥിതിയിൽ ചൂഷണം ചെയ്യപ്പെടുന്നത് അവസാനിപ്പിക്കുന്നതിൽ നിന്ന് ഭരണകൂടങ്ങൾ നിസ്സഹായകമാക്കപ്പെടുകയോ, കണ്ണുകെട്ടപ്പെടുകയോ, സഹായങ്ങൾ ചെയ്തു കൊടുക്കുന്ന ഏജൻസികളായി മാറ്റപെടുകയോ ചെയ്യുന്നത് വർത്തമാനകാലദൃശ്യമാണ്. പരസ്പരം ജനാധിപത്യ മനോഭാവം നിലനിർത്തുന്ന സ്ത്രീപുരുഷബന്ധങ്ങളുടെ ആവശ്യകതയിലേക്ക് വിരൽ ചൂണ്ടുന്നു ഈ കൃതി.