“നമ്മെക്കുറിച്ച് നമുക്കറിയാവുന്നതിൽ കൂടുതൽ സർക്കാർ മനസ്സിലാക്കുകയും, എന്നാൽ സർക്കാരിനെക്കുറിച്ചുള്ള അറിവിൽ നാം കൂടുതൽ അജ്ഞരായിത്തീരുകയും ചെയ്തു എന്നാണ് പുതിയ യാഥാർഥ്യം.” വർത്തമാനകാല ഇന്ത്യയുടെ ദുരവസ്ഥയെ സൂക്ഷ്മമായി വിലയിരുത്തുന്ന ഈ പുസ്തകത്തിൽ അരുന്ധതി റോയ് ഓർമിപ്പിക്കുന്നു.
ഞാൻ കണ്ടതിൽ ഏറ്റവും ധീരനായ പത്രാധിപരാണ് എടത്തട്ട നാരായണൻ. എല്ലാ അർത്ഥത്തിലും അദ്ദേഹം പത്രത്തിന്റെ അധിപനായിരുന്നു. എന്നാലത് ഒരു തേർവാഴ്ചയായിരുന്നുമില്ല. തന്റെ ലളിതജീവിതം ഒരു സമഗ്രദർശനത്തിന്റെ ആവിഷ്ക്കാരമാക്കി തീർക്കുകയാണ് അദ്ദേഹം ചെയ്തത്. അങ്ങനെ ഒരാൾ ഇനി ഈ ഭൂമിയിൽ ഒരു പത്രാധിപരായി ഉണ്ടാകുമെന്ന് എനിക്ക് തോന്നുന്നില്ല;
സിനിമാക്കഥയെ വെല്ലുന്ന ഈ സംഭവങ്ങളും നക്സൽ മേഖലയിലെ സ്വന്തം അനുഭവങ്ങളും ചേർത്താണ് ‘മുൻപേ പറക്കുന്ന പക്ഷികൾ’ എന്ന നോവൽ സി. രാധാകൃഷണൻ എഴുതിയത്. നോവലിൽ പരാമർശിക്കുന്ന പത്രമോഫിസ് ലിങ്ക് ഹൗസും, അതിലെ ‘കാർന്നോർ’ എന്ന് വിളിക്കുന്ന പത്രാധിപർ എടത്തട്ട നാരായണനും ആണ്.
തപാൽശിപായി കത്തുംകൊണ്ട് കോവണി കയറുമ്പോൾ ചുക്കും ഗെക്കും മൽപ്പിടുത്തത്തിൽ മുഴുകിയിരിക്കുകയായിരുന്നു. എന്തിനാണവർ മല്ലിട്ടതെന്ന് എനിക്കിപ്പോൾ ഓർമയില്ല. ചുക്ക് ഗെക്കിന്റെ തീപ്പെട്ടിക്കൂട് കൈയിലാക്കിയെന്നു തോന്നുന്നു. അതോ ഗെക്ക് ചുക്കിന്റെ കാലി പോളിഷ് ടിന്നും കൊണ്ട് കടന്നതാണോ എന്നു നിശ്ചയമില്ല.
മലേഷ്യയിലെ പേനാങ്ങിലുള്ള കപ്പൂച്ചിൻ ആശ്രമത്തിലെ സന്ദർശനമുറിയിൽ ഒരു കള്ളുകുപ്പിയുമായി നിൽക്കുന്ന രണ്ട് സന്യാസികളുടെ ചിത്രമുണ്ട്. അതിനൊരു അടിക്കുറിപ്പും: Drink is our enemy. അടുത്തത്, അടിച്ചു കോണായിരിക്കുന്ന അവരുടെ തന്നെ ചിത്രമാണ്. താഴെ ‘Love your enemy’ എന്ന തിരുവചനവുമുണ്ട്!
ഒരു തീർത്ഥാടനവും ഒന്നിനും പരിഹാരമല്ല. കുറ്റബോധം ആരെയും സഹായിക്കുന്നുമില്ല. ആത്മശുദ്ധീകരണത്തിനുള്ള നേരമാണ് എങ്ങുമെത്താത്ത അലച്ചിലുകൾ അപഹരിച്ചെടുക്കുന്നത്. ആ മഹാകാരുണ്യത്തിൽ വിശ്വസിക്കുക. അവർക്കും നമുക്കും മോക്ഷമുണ്ടാകട്ടെ. തഥാസ്തു / ആമേൻ!
