യാത്രകളില് കണ്ടുമുട്ടിയ ചില മനുഷ്യര് യാത്ര അവസാനിച്ച് മാസങ്ങളും വര്ഷങ്ങളും കഴിഞ്ഞിട്ടും രമ്യയുടെയുള്ളില് ജീവിക്കുന്നു. അങ്ങനെയുള്ള 19 മനുഷ്യരുടെ കഥകളാണ് ‘വഴികളില് തെളിയുന്ന മുഖങ്ങള്’ എന്ന പുസ്തകം. എല്ലാ ഭാഷകള്ക്കും മേലേ നില്ക്കുന്ന സ്നേഹത്തിന്റെ ഭാഷയിലാണ് രമ്യയുടെ എഴുത്ത്.
സാക്ഷാൽ നെഹ്റുവിനൊപ്പം പതിവായി ചായ കുടിക്കുന്ന ചങ്ങാതി, ഒരു വാരികയും പത്രവും ഇംഗ്ലിഷിൽ തുടങ്ങി വിജയിപ്പിച്ച പത്രാധിപർ, ബിസിനസുകാരുടെ പിൻബലമില്ലാതെ ഡൽഹിയുടെ ഹൃദയത്തിൽ ലിങ്ക് ഹൗസ് എന്ന വലിയ ഓഫീസ് പണി തീർത്ത സംരംഭകൻ… എടത്തട്ട നാരായണൻ എന്ന മലയാളിയുടെ അമ്പരപ്പിക്കുന്ന കഥ.
ഭോലയും നൂതനും ഔസേപ്പു മാപ്പിളയും കരിങ്കണ്ണി ദേവുവമ്മയും ഉമാപ്പയും മാതുവുമെല്ലാം കണ്ണു നിറയ്ക്കുമെങ്കിലും നാം വീണുപോകുന്ന പൊട്ടക്കിണറുകളിൽ നിന്ന് കൈപിടിച്ചു കയറ്റുന്ന സ്നേഹക്കീറുകളെ സ്വപ്നം കാണാൻ പ്രേരിപ്പിക്കുന്നുമുണ്ട് അവർ. ജീവിതം എന്താണ് എന്നു ഗൗരവമായി ചിന്തിക്കുന്നവരെല്ലാം ഈ കുറിപ്പുകൾ വായിക്കണം.
‘സ്വർഗസ്ഥനായ ഞങ്ങളുടെ പിതാവേ’ എന്ന് ആഞ്ഞു വിളിക്കുന്നതിനു മുൻപ്, മലയാളം മനസ്സിലാകുന്ന ക്രിസ്ത്യാനികളൊക്കെ ബോബി ജോസ് കട്ടികാടിന്റെ ഈ പുസ്തകം വായിക്കണം. പ്രാർത്ഥനയുടെ പേരിൽ പള്ളിയിലും പുറത്തും കലാപം നടത്താൻ ആ നീളൻ കുപ്പായം മടക്കി കുത്തുന്ന പുരോഹിതന്മാർ തീർച്ചയായും വായിക്കണം.
സംഭാഷണം, ചിത്രകല, ജീവിതാഖ്യാനം എന്നീ മൂന്നു കലകൾ ലയിച്ചു നിൽക്കുന്ന പുസ്തകമാണിത്. വലതുഭാഗത്തെ പേജുകളിൽ ആത്മഭാഷണവും ഇടതുപേജുകളിൽ നമ്പൂതിരി ഓരോ കാലങ്ങളിൽ വരച്ച രേഖാചിത്രങ്ങളുമാണ് വിന്യസിച്ചിട്ടുള്ളത്. അത്തരത്തിൽ ഒരു നമ്പൂതിരി ആർക്കൈവ് കൂടിയാണ് ഈ പുസ്തകം.
“നമ്മെക്കുറിച്ച് നമുക്കറിയാവുന്നതിൽ കൂടുതൽ സർക്കാർ മനസ്സിലാക്കുകയും, എന്നാൽ സർക്കാരിനെക്കുറിച്ചുള്ള അറിവിൽ നാം കൂടുതൽ അജ്ഞരായിത്തീരുകയും ചെയ്തു എന്നാണ് പുതിയ യാഥാർഥ്യം.” വർത്തമാനകാല ഇന്ത്യയുടെ ദുരവസ്ഥയെ സൂക്ഷ്മമായി വിലയിരുത്തുന്ന ഈ പുസ്തകത്തിൽ അരുന്ധതി റോയ് ഓർമിപ്പിക്കുന്നു.
